kappo
عضو سوبر
عدد المساهمات : 66
تاريخ التسجيل : 27/02/2010
العمر : 34
 |  موضوع: مصطلحات و مفاهيم عالم الهاردوير الأحد يونيو 06, 2010 4:03 pm | |
| اهلا بكم اعضاء هذا المنتدي الاكثر من رائع
انا بعمل الموضوع ده بعد مطلع عيني في شراء جهاز كومبيوتر لنفسي وطبعا قعدت شهور ابحث في الموضوع و بفضل الله و بمساعده اعضاء هذا المنتدي المحترمين الحمدلله اشتريت جهاز كومبيوتر والحمدلله ربنا وفقني وكنت عايز اعمل الموضوع ده عشان يكون مرجع لكل الناس اللي عايزه تشتري كومبيوتر جديد بحيث ان الموضوع يحتوي علي مصطلحات ومفاهيم تفيد المبتدئين في العالم الكومبيوتر عشان يفهموا الدنيا ماشيه ازاي لما يقروا اي موضوع او لما يتكلموا مع اي حد في هذا المجالهتكلم عن اجزاء الكيسه قطعه قطعه و اهم المصطلحات اللي ممكن تسمعها في كل كارت وانت بتشتري و بعض الملحوظات[ندعوك للتسجيل في المنتدى أو التعريف بنفسك لمعاينة هذه الصورة]اولا البروسيسورالبروسيسور هو العقل المفكر لجهاز الكومبيوتر وفيه يتم معالجه كل الاوامر اللي انت بتأمر بيها الجهاز[ندعوك للتسجيل في المنتدى أو التعريف بنفسك لمعاينة هذه الصورة]وفي منه شركتين بتصنعه الانتل و ال amd ودايما اي حد بيشتري بيحتار انتل ولا amdالموضوع ابسط من كده بكتيردايما بننصح اصحاب الميزانيات القليله و المتوسطه باختيار ال amd لانه ارخص بشكل ملحوظاما مع الميزانيات العاليه فبنلاقي تفوق الانتل بشكل ملحوظ وبنلاقي اداءه اسرع بكتيروفي النهايه دي تكنولوجيا مختلفه عن الاخري بكثير يعني متحتارش كتير المناسب ليك هاته اما بالنسبه للاداء فمش هتحس باختلاف كبير بين الاتنين وان كان الغالبيه تفضل الانتل لشهرتهالانتل[ندعوك للتسجيل في المنتدى أو التعريف بنفسك لمعاينة هذه الصورة]celeron بروسيسور احادي النواه وده اللي كنا بنستعمله زمانdual core بروسيسور ثنائي النواه يعني كأنهم 2 بروسيسورcore2duo بروسيسور ثنائي النواه برده بس تكنولوجيا اعلي واحدث من ال dual corecore2quad بروسيسور رباعي النواه وطبعا مش محتاج اقول ان كل واحد اسرع من اللي قبلهAMD[ندعوك للتسجيل في المنتدى أو التعريف بنفسك لمعاينة هذه الصورة]sempron=celeronathlon=dual corephenomx3=core2duophenomx4=core2quadGHz دي سرعه البروسيسور يعني سرعه معالجته للبياناتcache memory دي الذاكره الخاصه بالبروسيسور اللي بيخزن عليها المعلومات بصوره مؤقته حتي يتم معالجتها و طبعا كل متزيد كل ميقدر يعالج كميه اكبر من المعلومات في نفس الوقتbus دي المسارات اللي بتمشي في المعلومات يعني يمكن تشبيهها بالشارع اللي بتمشي فيه العربيات كل ميكون اوسع كل مالعربيات تمشي اسرع و الموجود منه 800 و 1066 و 1333 طيب اختار البروسيسور علي اي اساس؟البروسيسور اهم قطعه يعني كل متقدر تديله جزء اكبر من الميزانيه كل ميبقي احسن و اختار علي حسب ميزانيتك لان اسعاره متفاوتهيعني كل متقدر تزود الكاش و الباص و السرعه يكون احسن طبعا لان هو ده اللي هيفرق معاك في سرعه الجهاز عموما[ندعوك للتسجيل في المنتدى أو التعريف بنفسك لمعاينة هذه الصورة]اللوحه الام[ندعوك للتسجيل في المنتدى أو التعريف بنفسك لمعاينة هذه الصورة]او الماذر بورد و دي اللوحه اللي بيتم تثبيت كل القطع الاخري فيها بما فيهم البروسيسور عشان كده اسمها الاموفي لوحات للانتل ولوحات اخري لل amd يعني بتشتري البورده علي حسب اختيارك للبروسيسورchipset دي القطعه اللي بتصنعها الشركه المصنعه للبروسيسورات زي الانتل او ال amd وهي القطعه الرئيسيه في البورده و هي اللي بتفرق معاك في اداء كل القطع اللي بتركب عالبورده يعني كل متعلي كل ميبقي اداء البروسيسور و كارت الشاشه افضلram slots ودي الاماكن اللي بتركب فيها شرايح الرامات و هنا هيفرق معاك 4 حاجات وهم العدد و السرعه و الباص و ال dual channelالعدد كل ميزيد كل مالبورده تشيل عدد رامات اكترالسرعه يعني في بوردات اخرها 4gb رامات يعني مهما تزود من رامات بعد كده مش هتتقري لان ده اخر البوردهالباص لما نشرح الرامات هنلاقي ان في رامات باص 800 وفي رامات باص 1066 و يستحسن تكون البورده تدعم الباص 1066 عشان دي رامات المستقبل ان شاء اللهفي بوردات بتدعم الرامات ddr3 رغم انها مش موجوده دلوقتي بس برضه اكيد في المستقبل هتكون السياده ليها برضهdual channel ودي معناها انك تركب رامتين مثلا كل واحده 1 جيجا بدل ميبقي مجموعهم 2 جيجا بيدوك تأثير اقوي يعني يشتغلوا كأنهم 3 جيجا مثلا synergismVGA slot وده المكان اللي بيركب فيه كارت الشاشه وده كان زمان اسمه agp وطبعا كتير من الاجهزه القديمه لسه شغاله بيه انما البوردات الحديثه دلوقتي كلها نوع جديد اسمه pci express x16 وفي الاجدد منه اسمه pci express 2crossfire ده معناه ان البورده دي فيها مكانين لكارتين شاشه يركبوا مع بعض عشان يدوا تأثير قوي جدا نفس فكره ال dual channel وطبعا دي بوردات بتبقي غاليه اويPCI sockets دي بتبقي اماكن لكارت الصوت و الفاكس و الكلام ده و دول غالبا بييجوا مدمجين في البورده و نادرا لما حد بيشتري الكروت دي خارجيه لوحدهاSATA دي عشان تركب فيها الهاردات و الديفيديهات الساتا و غالبا بيبقوا 4 اماكنIDE ده بيبقي مكان للهاردات و الديفيديهات القديمه اللي كابل الداتا بتاعهم عريض وده بيقي مكان لكابل واحد و طبعا الكابل بيتوصل عليه جهازين(يعني هاردين او هارد و ديفيدي)PS/2 ده مكان للماوس و الكيبوردeSATA دي ال socket اللي هتحل محل ال usb وهتكون اسرع بكتير بس لسه ملهاش اجهزه منتشره تشتغل عليها يعني دلوقتي ملهاش لازمه و البوردات اللي فيها esata بتبقي غاليهالخلاصه لما احب اشتري اعمل ايه؟شوف ايه اللي يلزمك من البورده و اشتري يعني مش لازم تجيب بورده غاليه اوي رغم انها طبعا بتفرق في الاداء ولكن مش بشكل ملحوظ اوي ده غير الحاجات المميزه في البورده يعني لو انت مش محتاج تعمل كروس فاير يبقي مش لازم تدفع فلوس في بورده بتعمل كده[ندعوك للتسجيل في المنتدى أو التعريف بنفسك لمعاينة هذه الصورة]كارت الشاشهاللي ملوش في الالعاب مانصحهوش يشتري كارت شاشه و يكتفي بالكارت المدمج في البورده لو البورده بتاعته فيها كارت مدمج اما لو انت بقي غاوي العاب يبقي لازم يكون عندك كرت شاشه قوي يناسب الالعاب بتاعت اليومين الدول[ندعوك للتسجيل في المنتدى أو التعريف بنفسك لمعاينة هذه الصورة]طبعا في شركتين رئيسيتين مصنعتين لكروت الشاشه و هم ال gforce nvidia و ati والجدل حول ايهما افضل لا ينتهي ولكني شخصيا افضل الجي فورس ولا يعني هذا ان ال ati سئ ولكن زي ماتكلمنا عن الفرق بين الانتل و ال amd مثلااهم حاجه لما تيجي تشتري كارت شاشه انه ميقلش عن 512 عشان تقدر تشغل كل الالعاب وكمان حاجه مهمه هي pixel shader ودي لازم متقلش عن 3 وفي كروت ال جي فورس كل الموديلات بعد 8600 فيها بيكسل شيدر 3نوع الرامات زي مقولنا بيفرق برضه يعني ال ddr3 احسن من ال ddr2 و هكذاوجود مروحه مع كارت الشاشه احسن و احسن واشهر نوع موجود دلوقتي هو ال zalmanفي النهايه كيف اختار كارت الشاشه عند الشراء؟بصراحه رغم كل العوامل السابق ذكرها الا ان جوده كارت الشاشه تعتمد علي التجربه يعني الانواع كتير اوي و السوق مليان كروت شاشه بس المقياس هو انك تشوف مثلا كارت عند واحد صاحبك مشغل معظم الالعاب او انك تسأل اعضاء هذا المنتدي وهم يفيدوك بخبرتهم العظيمهفي عامل كمان مهم وهو الرامات بتفرق جامد جدا في الالعاب و هتكلم عنها دلوقتيفي العاب جديده نزلت محتاجه بروسيسور رباعي النواه عشان تشتغل زي gta iv بس قليله اوي الالعاب اللي زي كده فمتشغلش بالك اوي بالنقطه دي[ندعوك للتسجيل في المنتدى أو التعريف بنفسك لمعاينة هذه الصورة]الرامات[ندعوك للتسجيل في المنتدى أو التعريف بنفسك لمعاينة هذه الصورة]ودي الذاكره المؤقته يعني الجهاز بيحط فيها البيانات و المعلومات بشكل مؤقت عشان الوصول اليها بيبقي اسرع بكتير من الوصول للهارد و دي بتفرق بشكل ملحوظ في سرعه الجهازويفضل حاليا ان لا تقل الرامات عن 2GB باص 800 ولو عايز تجيب الباص 1066 مفيش مشاكل بس هي مش هتفرق اوي حاليا بس طبعا هتدي اداء اعلي[ندعوك للتسجيل في المنتدى أو التعريف بنفسك لمعاينة هذه الصورة]الباور سابلاي[ندعوك للتسجيل في المنتدى أو التعريف بنفسك لمعاينة هذه الصورة]من اهم اجزاء الجهاز فهو الوحده اللي بتدخل الكهرباء للجهاز وطبعا كل ميبقي قوي و اداءه عالي كل ماداء باقي الكروت يبقي احسن و كمان الباور المحترم بيحمي باقي الكروت من انها تتحرق لا قدر اللهواشهر الانواع الموجوده دلوقتي هي ال gigabyte و ال HEC وال HIS اللي بييجي مع الكيسه ال gammaبالنسبه للوات فالوات بتجيبه علي حسب استعمالك يعني بتفتح الجهاز كام ساعه في اليوم و بتشغل العاب بكثره ولا لأ و قوه باقي الكروت ايضا و يفضل الا يقل عن 300 واتطبعا في باورات في السوق ب 50 جنيه و مكتوب عليها 500 وات و كلام فاضي كده دول طبعا مبيطلعوش ولا حتي 100 وات[ندعوك للتسجيل في المنتدى أو التعريف بنفسك لمعاينة هذه الصورة]و في النهايه ارجو ان يكون ربنا وفقني و افدتكم واكون بشرح مبسط افدت كل المبتدئين او اللي عايزين يشتروا كومبيوتر بحيث انهم يكونوا فاهمين الدنيا ماشيه ازايوكل اللي في المقاله دي مجرد تعبير عن رأيي الشخصي بعد معشت تجربه مفيده جدا في عالم الكومبيوتر واتمني اني اكون مفيد للاخرين وربنا يجعله في ميزان حسناتنا جميعا | |
|
الرئيسية